ქართულ-გერმანული პროექტი

სიურპრიზები პროექტში:

პროექტისათვის საჭირო ტექსტები ქართულიდან გერმანულად 

მაკამ და დათამ თავად თარგმნეს

მაკა აბშილავა, „აღაზა“

   ერთ-ერთი პროექტის ფარგლებში, პროფესორ კლაუს ჰიპთან განვიხილავდით თემას - ლეგალურობა ლეგიტიმურობის წინააღმდეგ - ანტიგონეს მაგალითზე. დავალება იყო ლიტერატურული გმირი ქალის აბსტრაქტულ ხელვნებაში გამოხატვა.

    როდესაც მოტივზე ვსაუბრობდით, ჩემს მეხსიერებაში აღდგა ჩვენი გაკვეთილები „სტუმარმასპინძელზე“ ნანა მასწავლებელთან, საუბრები ანტიგონესა და აღაზას შესახებ. ჩემთვის აღაზა ბევრად უფრო ახლობელი და ტრაგიკული ფიგურაა, ვიდრე ანტიგონე. ამიტომ, მე აღაზა დავხატე. ნახატი შესრულებულია აკვარელსა და ზეთში.

      ნახატზე აღაზა ჩარჩოებშია მოქცეული.  ასევე, გამოსახულია სამკუთხედების ფორმით ორი სახლი, ერთი აყირავებული, რომელშიც ქისტები შეუვარდნენ და მეორე, - მისი სახლი აყირავებამდე. თუმცა ეს  ის სახლიც შეიძლება იყოს, სადაც აღაზა უნდა ცხოვრობდეს, მისი ნამდვილი სახლი, რომელიც მას იმ დროში, რომელშიც ცხოვრობს, არ გააჩნია. აღაზა ხომ დროს უსწრებს.

    ეს ორი სამკუთხედი, ასევე, ზვიადაურისა და ჯოყოლას სიმბოლური გამოსახვაა, რომლებიც აღაზას საყრდენნი არიან.

    ჩარჩოში მორევია, რომელიც, ასევე, არაგვის სიმბოლოცაა და რომელიც  მას ყოველდღიურობაში ითრევს და არაგვი, რომელშიც ის ხტება, რათა გამოსავალი იპოვოს, გათავისუფლდეს. ნახატზე ჩანს, რომ ამ მორევიდან გამოსავალი არსებობს და აღაზა პოულობს მას. ის თავისუფლდება ჩარჩოებისაგან. შეიძლება, აღაზას საქციელი, მის მიერ ზვიადაურის დატირება, არალეგალური იყო და თემის წესს ეწინააღდეგებოდა, თუმცა, ის სავსებით ლეგიტიმური იყო და ვაჟა ამას პოემის ბოლოს ნათლად გვიჩვენებს, რომ ეს გზა, ნამდვილად, გზაა თავისუფლებისაკენ: ზვიადაური, ჯოყოლა და აღაზა საღამოობით კლდეზე მოჩანან, მათ ნახვას არაფერი სჯობს, თუმცა, სოფელი ვერ ხედავს მათ, რადგან ისინი  ბევრად უკან არიან, ვიდრე პოემის ეს გმირები.

პროექტისათვის პოემის სიუჟეტის ესკიზები ფანქარში 

დახატა დათა აბშილავამ

Read this book made on StoryJumper

მაკამ შატილელ მოსწავლეებს: ქეთი დაიაურს (მე-5კლ), კოტე

 ჭინჭარაულს (მე-9კლ), მანგია ჭინჭარაულს (მე-11კლ) და

 გიორგი დაიაურს (მე-12კლ) ტელეფონები გაუგზავნა.

     უღრმესი მადლობა მას ბავშვების გახარებისათვის.

• 
  
•  
  
  
  
  
  
  
  
  ნანა მასწავლებელს

ჩემო ძვირფასებო, ძალიან, ძალიან კარგებო, როდესაც თქვენს საოცარ სიურპრიზს ვუსმენდი, პოეტის ერთი ფრაზა ამეკვიატა: დიახ, „თუნდაც, ამ ერთი წამისათვის ღირდა სიცოცხლე“. ენით ვერ გამოიხატება განცდა, რომელიც მაქვს. გული საგულეს ვერ მეტევა, ბედნიერი ვარ. კიდევ, ჩემს მასწავლებელზე დავიწყე ფიქრი. ლეგენდა იყო, პიროვნული ღირსებებითა და პროფესიონალიზმითაც. მისი გაკვეთილების ხიბლი და მადლი მთელი ცხოვრება დამყვება. იცით, რა მაგრძნობინეთ? - ახლა მე შემიძლია მის საფლავთან მივიდე, მუხლი მოვიყარო, მოვეფერო და ჩავჩურჩულო - ანა მასწავლებელო, მეც გამომივიდა!

თქვენ სწორედ ასეთი დიდი სითბო და სიყვარული დაგქონდათ, როცა მერხებთან ისხედით. როცა მე ყოველ გაკვეთილზე გულს გჩუქნიდით, თქვენც ისევე მიბრუნებდით. მახსოვს, ერთხელ მაკას ვუთხარი, - როცა ყველაზე მეტად მიჭირს, შენს ლექსებს ვკითხულობ-მეთქი. არ გადამიჭრბებია, იმიტომ, რომ მშველოდა, ყველა პრობლემა მავიწყდებოდა, ისევე, როგორც გაკვეთილებზე. ახლა ვიცი, თუ ცხოვრება პრობლემებს შემიქმნის, ამ ვიდეოს ჩავრთავ და ყველა ტკივილი მომირჩება.

ათწლეულებია ჩემთვის მაქვს. ახლა მომინდა გაგახსენოთ ამონარიდები თქვენი ლექსებიდან:

მაკა: „თქვენი ტკბილი ხმა სიყვარულის ზღაპარს მიყვება“...

„ვერც ერთ თქვენს სიტყვას ვერ ვიმეტებ დასავიწყებლად,

მათში ვეძიებ სულისათვის უებრო წამალს“.

„მენატრება როგორ, ჩემი ტკბილი ნანა,

ნეტავ სადმე მასთან ახლოს დამავანა“

გურანდა: „მიხარის, რომ ხართ მასწავლებელი

ჩემი ლამაზი ბავშვობის, სიყრმის“.

ანა: „თქვენი სახე კი, თითქოს,

ხატი გამხდარა ჩემთვის,

მე ამ ხატის წინ დავიჩოქებ,

ჩუმად ვილოცებ,

ჩუმად ვეტყვი თუ რამ მაწუხებს

და ვიგრძნობ,

როგორ ამომაძრობს დარდი

თავის მძიმე მარწუხებს“

მაიკო: „მერცხლის ჭიკჭიკმა გვაგრძნობინა

საამო დილას,

რომ წლების წინათ, გურიის მთებში

პაწაწინა ლეგენდა იშვა“

ზაალი: „მჯერა, გაბრწყინდება ცაი ივერიაზე,

უცილობლად ეს მოხდება

დღეს, ხვალ ან ზეგ, დილაზე

და ქართული იარსებებს

ქვეყნად მტრების ჯინაზე,

რადგან, ქართველებს გვყავს

დიდებული

ნანა თავართქილაძე“

რა თქმა უნდა, გადაჭარბებულია, რა თქმა უნდა, მერიდება, მაგრამ, მე ბედნიერი ვარ.

ჩემო ძვირფასებო, სიხარულებო, სიყვარულებო, მადლიერი ვარ უფლისა და - ბედნიერი, თქვენი მასწავლებელი რომ მქვია. გ მ ა დ ლ ო ბ თ, მ ი ყ ვ ა რ ხ ა რ თ

მაკა აბშილავა

Lana Topuridze

@gurandamzarelua

Data Abrag

Zaliko HB

Aleqsandre Tsitlidze

Dedo Dedoo

Eka Abshilava

Misha Kuchava

Ramaz Ejibia

@ketikharebava